心夜來潮 (已易手) 新餐厅

荃湾区有不少好野食，朋友想食中菜，我就话不如食潮州菜，朋友就推介呢间餐厅，之前一直想试旺角间铺，估唔到荃湾都开左。朋友必推潮洲粥，粥底有分两种size,大同细，我地两条友就叫个细啦，配料分开点，但点满$180配料可以送粥底，我地点左蚝仔，肉片，猪润，鲍鱼，岩岩好够钱放粥底。粥好够味，肉加海鲜加理一齐好正，分量都不少，分到6-7碗，劲饱。潮洲野点可以无卤水拼盘$128，有5款小食.猪大肠好有咬口，好入味，猪腩肉有三层肉，口感一流。牛舌软硬适中，好有牛味。杞子红枣蒸鲍鱼$132/6只，卖相相当唔错。呢种食法都系第一次，蒸感觉无甘热气，红枣配杞子甜甜地，同理补血够滋阴，配上鲍鱼，食法几新鲜，鲍鱼细细只但够爽口。