尚膳養顏滋補鍋 (裝修中)

虽则堂食开放返一段时间，但都始终未有出街食饭既意欲，上星期，心血来潮，好想打边炉，适逢朋友生日，又唔想去一般火锅店，朋友建议旺角尚膳，话系养生既火锅，听落几新鲜，即刻就book位try try。一去到坐底个感觉都已经唔错，装修行中国风，好似古时d客栈咁，地方又几阔落，枱同枱之间唔好近好逼挟，几好！汤底有好多选择 有招牌既美人锅、鱼云锅、麻辣锅同椰子鸡等等，成班仔拣美人锅惊俾人笑 所以最尾点左椰子鸡。上个锅既时候，估唔到非常足料，好多椰子肉之余，仲要俾哂成只鸡！侍应会帮手渌鸡，佢话个时间要拿捏得好，先食到滑鸡， 我地即管跟佢指示做啦，结果，又真系有d计呙，有别于平时边炉渌鸡都会渌到好鞋，再配上特制既沙姜，更加惹味。打得边炉，又点会唔食牛呢，我哋叫左个本土牛颈脊，碟上写明渌10秒就食得，见个鸡跟佢指引食咁正，渌牛就梗系照跟啦。一放入口，哗！有牛味之余，脂肪位半溶系口，二话不说就已经再渌一件，非常正！仲有试左样新野叫牛黄喉，我大香厘未听过，朋友极力推荐就即管一试，点知一试难忘，口感爽脆，食到「索索」声，唔食过都估唔到个口感咁特别，暂时都未谂到有咩食物有类似质感，非常值得一试。除此以外，仲嗌左