陳記燒臘飯店

营业中

休息中

星期六同呀妈行完街，佢唔想煮饭，所以我哋搭车返屋企前先买啲嘢食做晚餐🥢。油麻地地铁站附近有间新开嘅烧味店－「陈记烧腊饭店」。店舖果然系新开张，因为招牌都仲系封住红纸，但眼见好多街坊帮衬👏。餐厅环境正正常常，好传统嘅烧味舖装修。我哋食得唔多，所以嗌咗一盒饭，同再斩料。师傅即刻斩，外面玻璃望入去厨房都几干净👍。烧鹅髀切鸡饭($128)，一盒饭果然够我哋食🍚！烧鹅髀好巨型，肉厚，而且鹅肉香味真系明显比鸭肉强。烧鹅皮拎到返屋企微脆，可想而知堂食应该更出色。🐓切鸡白𠽌𠽌，但味道唔会淡，咸香度刚刚好！蜜汁叉烧($128/斤)，半斤叉烧份量都好足，🐷叉烧系半肥瘦，个样超靓，食落同样美味。叉烧多汁，调味唔会太甜太重口味，肉质唔鞋，整体系几正。餐厅仲有好多腊味卖添！总括嚟讲，虽然餐厅系一间平平无奇嘅烧腊店，但烧味味道完全唔失礼。我几时都话靓嘅餐厅都不及好食嘅餐厅。因为前者你只会去一次，但后者你就会再三帮衬，就好似陈记😋。