一葉台灣料理

营业中

休息中

今日黎开呢头做gym, 做完之后又肚饿又攰，费事谂食乜嘢，见到乜嘢就食咩算啦~ 喺楼下兜咗两个圈之后发现咗呢间台湾嘢啲嘢食好似几吸引咁，于是就拣咗佢啦~ 平日六点几入座都唔算多人，我估餐厅主要系做附近Office打工仔午市生意，所以夜晚一行入嚟就有位了~ 上OpenRice睇吓有咩推荐，见到个个都叫牛肉炒饭，我都叫黎试吓~ 其实得一个人原本应该叫一碟炒饭都够，不过我自己又为食所以叫多咗个金沙南瓜，炸完嘅南瓜再加上满满嘅咸蛋黄，都冇乜可能唔好食，一个人都食咗大半碟完全停唔到口，卡路里就唔好谂啦(完全将头先做gym嘅成果食返晒返嚟) 另外虽然我食南瓜食到好饱，但系牛肉炒饭我都一个人食晒全碟，因为真系啖啖牛肉，同茶餐厅𠮶啲得几粒肉完全系两件事~ 食完之后捧住个肚走，都唔知做gym嚟做乜, 不过人生就系运动完食，食完又运动架啦，听日又要继续努力