漁港艇仔粉 (鴨脷洲大街) (已搬遷) 新店位置

今日去开鸭脷洲，见时间已经两点几，本身想去熟食中心食下午茶，点知上到去见到个个都系食紧海鲜同小菜，唯有再行吓鸭脷洲大街睇吓有乜嘢好食。成条街得呢间艇仔粉有人排队，睇到个Menu，见到艇仔粉都几吸引，于是排咗10分钟就坐低试吓。艇仔粉配料好丰富，有叉烧，烧鸭，红肠，鱼片，鱼蛋，鱼皮同埋生菜，将烧味同鱼蛋粉嚟过Crossover😂，亦一次过满足晒我多个愿望，可以试晒唔同配料。除咗鱼蛋，每样配料最少都有两旧，食完都几饱下。配料质素几平均，但系冇乜特别，唔算好有惊喜。艇仔粉最吸引当然系个鱼汤。鱼汤呈奶白色，几重胡椒味，而且有鱼味得嚟又唔觉得好腥，索晒啲鱼汤嘅河粉，加埋咁丰富嘅配料，$46都值得一试嘅。