甜入心 (已結業)

深水埗出名多甜品铺，难得入深水埗买嘢，一定要食甜品！而家天气转凉，就想食热嘅甜品。见到甜入心有多种甜品，冻嘅热嘅都有，仲有我最钟意嘅椰皇，就决定一试！净系椰皇嘅甜品，都有成十几款，花多眼乱。不过因为唔太饿，所以只系试一款恋上椰皇子。呢一款有齐晒我钟意嘅甜品，包括芋圆，小丸子，汤丸同鲜奶椰皇。不过今次唔系咁好彩，落单之后姐姐话未有汤丸，佢建议俾多啲芋圆我哋，所以今次就试唔到汤丸。甜品一上枱，见到椰皇上面放满芋圆同小丸子，好足料，我哋都好期待！芋圆有芋头同蕃薯味，不过可惜未够烟韧，有少少失望。不过小丸子就全粒都好烟韧，补救反芋圆质感嘅失望。都好味就系个炖奶，有好香嘅椰子同奶味，热食全身都好暖。当然作为椰皇嘅爱好者，我哋有食埋嘅椰肉。整体嘅讲，甜入心啲甜品都好足料，可以一试。不过如果有机会再食一次，希望芋圆可以烟韧啲！