滿堂樂滬京風味 (已搬遷) 新店位置

呢间米芝莲必比登推介嘅舖头就系屋企对面，其实佢开左咗廿几年，我都唔系食咗好多次而且讲真已经好耐冇食啦。今日晏昼去买咗个粢饭，要咗少饭，但系料系冇少到嘅，除咗榨菜之外，阿姐畀咗两大羹嘅肉松，完全系爆馅。味道嚟讲系唔错嘅，糯米亦都唔会煮得太烂，但系油炸鬼就系淋晒嘅，呢个位绝对系扣咗分，如果油炸鬼系脆嘅话就完美喇。26蚊嚟讲一个粢饭，听落好似有啲贵，但系一个粢饭又可以当一个午餐，咁26蚊又好似几抵食。住附近就食下啦，但系你话值唔值得专登过嚟食佢个粢饭，我又觉得未有好食到呢个地步。一个人食，所以食唔落咸豆浆，下次先至再试啦。