國記

营业中

休息中

今日朋友突然话想食粥，谂起讲系铺头自家出品仗坊𠮶间国记来试试，我哋外卖咗鱼片粥同皮蛋瘦肉粥，返到去打开碗食，非常足料，好正 鱼片食极都有，碗粥味道又啱啱好，食完又唔会好口渴，我好怕有d粥铺落咗好多味精，食完要不停饮水，我朋友食𠮶碗皮蛋瘦肉粥，佢话好好食，皮蛋多到好似俾咗成粒佢咁，d瘦肉又系一片片𠮶种，唔似连锁𠮶间海x粥店咁d粥浠又无咩米，d料又少到得几条肉丝同几粒仔皮蛋碎，少得可怜。另外我地都买咗炸俩食，不过不失，尚有少少微脆，但外卖的话一定要记得问佢拎酱汁，因为你唔问佢地系唔会俾埋你，幸好我当时发觉立刻问佢地拎。我地都外卖咗炒面、蛋黄咸肉粽同啡色味砵仔糕，我觉得d炒面好淡口，无咩味道，食落有d好似胶质嘅味道怪怪哋 ，蛋黄咸肉粽好好食，送粥一流 砵仔糕卖相虽然麻麻，但听讲系铺头自家新鲜米䊢整，所以就买来试试，同埋价钱唔贵3蚊一个，都好大只同好厚身，d红豆又好多，奈何佢地无热住d砵仔糕，买嘅时候已经系冻冰冰，失色。