芝心糖人街 (已結業)

去完嘉年华就落九龙城食饭, 贪呢边多选择. 食完晚饭朋友都仲未够皮, 话要食埋糖水先走. 就是但响附近睇下有咩选择, 见呢间有中西式糖水, 雪糕, 特饮咩都有, 一于试试.晚饭都食得几饱, 所以都系要碗生果系统糖水清一清, 一来无咁饱, 二来玩左成日好口干, 吸收返D水份. 要左个什果杨枝甘露($33), 份量好大碗, 好足料.什果包括有西瓜, 蜜瓜, 哈密瓜, 芒果, 款款都有几粒, 加埋即系十几粒, 食完都几饱. 生果新鲜清甜, 芒果唔会太酸, 糖水底西米露够晒淋. 糖水唔太甜, 加埋酸酸地既沙田柚肉中和下, 两者刚刚好. 食完个人好清新醒胃, 减却左食晚饭既饱济感.