永年士多港式車仔麵 (加拿分道)

营业中

休息中

自选三𩠌蒜油捞面（单点$62），其实单点自选三款$9𩠌嘅捞面只系$50，不过加钱叫咗其他𩠌；肥牛，份量多，牛味浓郁，食落唔韧，配以微辣手工麻辣酱食用，味道更佳；韭菜馅，韭菜、猪肉比例平均；酸斋，略嫌偏甜咗少少；菜芯，口感嫩滑，味道清甜；蒜油捞面，粗面口感软硬适中，容易挂汁，食落蒜香味道十足；上汤，内有香葱，饮落有鲜味。自选三𩠌车仔面（单点$60），其实单点自选三款$9𩠌嘅捞面只系$50，不过加钱叫咗其他𩠌同转咗乌冬做面底；牛肚，肉质腍身，食落好入味；冬菇，口感厚肉，食落好Juicy；蟹籽丸，内有汤汁；甜酸菜，口感爽脆，味道酸甜，几好味；乌冬，口感烟韧；劲辣手工麻辣酱，辣度7分，食得出有香料味道，同乌冬好夹。招牌熟虾酱配通菜（单点$28），选用大澳益昌号熟虾酱制作，味道咸鲜，但略嫌偏油咗少少，通菜口感爽嫩。班兰咖央多士（单点$18），班兰味道清香，咖央椰香味道足球，口感绵滑，多士口感外香脆内松软。樽仔奶茶（单点$17），茶味浓香，甜度6分，饮落够冻。抹茶红豆冰（单点$15），抹茶、红豆份量一比一，抹茶如果可以浓味D会更好，红豆口感绵密但仍然食到颗粒感，整体甜度6.5分。