亞玉豆腐花

营业中

休息中

虽然几乎日日都返红磡，但我甚少到访这条为人熟悉的小食街，但每次经过这间糖水小店，都见有街坊帮衬，今日下午茶时段又再经过，终于决定买几款同屋企人分享。虽然款式不及连锁甜品舖多，但款款都系传统港式味道，其实谂清楚，这些港式糖水的做法和用料往往比新式糖水健康得多，选用多啲天然材料，营养价值相对高啲。细个最钟意食红豆砵仔糕，见到呢度嘅砵仔糕有咁多红豆，真系流晒口水。$12/5个，价钱平，但份量相对少，好处系每次食少少，又或者方便同企人分享。啖啖都系红豆，好有好感，不过略嫌整个砵仔糕嘅粉浆糖分不足，冇咩黄糖嘅香味，食落比较清淡。✨✨推荐黑豆豆腐花！劲香浓豆味！口感幼滑！见老板娘加好多红豆落去，+$3抵食呀，味道比单食豆腐花或加黄糖更丰富。呢张相证明一切，芝麻糊打得超杰身，真材实料，有非常之突出嘅芝麻味。呢个新产品就一般般啦，讲真加咗薏米同白果都冇咩特别味道，加上黄豆豆腐花嘅豆味不及黑豆香浓，整体味道单调。