河內大娘越南餐廳 (已結業)

好耐无食过越南料理，今日出开尖沙咀，就同姐姐一齐揾左哩间越南料理黎试下。餐厅装修劲有越南风味，而且啲座位亦非常阔落。餐牌上面既选择好多，最后我地拣左一个王牌河粉、一个檬粉同埋一个小食。🎈大娘皇牌火车头 $89配料有生牛肉、牛展、牛丸、牛柏叶、牛筋，非常丰富。生牛肉嫩滑，牛丸弹牙，牛味浓郁，有肉汁，真系好出色！牛柏叶够爽口，牛筋黏口有咬口，河粉唔会太霖，唔知大家知唔知道河粉隔夜既话一夹就碎，但哩到唔会咁样，证明河粉都系新鲜既，而且入口滑溜，汤头亦清甜，加埋辣椒同青柠汁更好味。🎈越南海鲜汤檬粉 $89配料有豆卜、鲜虾、鲜鱿、鱼饼、蕃茄、青菜，材料丰富，鲜虾都几大只，檬粉滑溜，蕃茄汤底清甜。🎈大娘秘制牛油鸡中翼（4只） $49鸡翼炸得酥脆，系蘸面粉既过程中已经加左蒜蓉，好重牛油同蒜蓉既香味，里面既鸡肉亦唔会干。🍹青柠梳打$29及莲子龙眼冰$32青柠梳打酸酸地，几开胃；莲子龙眼冰里面莲子既数量非常多，可以清热气😆 莲子已经去晒芯，所以食落唔会苦。整体黎讲，餐厅既河粉比较出色，钟意越南河粉既人都可以试下。