影片
更多
2019-10-22
38 浏览
香港人真系好钟意打边炉！所以汤底方面真系越出越多花款，越出越豪华！由以前嘅普通莞茜皮蛋、猪骨汤、沙爹汤底，去到依加真系用老火汤煲足几个钟嘅汤底嚟打边炉，好多时汤底反而变咗主菜！每次都会饮完一转汤，先开始慢慢打边炉～大一海鲜火锅嘅汤底都有好多款选择，而且大部分都好有特色！例如：金汤腿翅锅、大一花甲蟹锅、野菌黑松露汤、冬瓜薏米水鸭锅等⋯金汤腿翅锅 $399牛魔王拼盘 $399黑松露带子饺 $68/半份芝味向铃 $69/份柠檬薏米水 $39[分数：7.5/10］打边炉饮薏米水清热就最啱～仲加咗柠檬落去，饮落甜甜地，带少少酸味，仲可以去下油腻感添！
香港人真系好钟意打边炉！所以汤底方面真系越出越多花款，越出越豪华！由以前嘅普通莞茜皮蛋、猪骨汤、沙爹汤底，去到依加真系用老火汤煲足几个钟嘅汤底嚟打边炉，好多时汤底反而变咗主菜！每次都会饮完一转汤，先开始慢慢打边炉～
大一海鲜火锅嘅汤底都有好多款选择，而且大部分都好有特色！例如：金汤腿翅锅、大一花甲蟹锅、野菌黑松露汤、冬瓜薏米水鸭锅等⋯
金汤腿翅锅 $399
[分数：9/10］
我地拣咗喺餐牌排第一嘅金汤腿翅锅！锅底好快就嚟到，真系好足抖！
除咗有一梳梳翅之外，仲有2大旧金华火腿骨同半只鸡！打边炉前先试下个汤先，汤底好甜，金华火腿味超香浓！所以接近饮晒成煲汤先再加汤打边炉！
牛魔王拼盘 $399[分数：8/10］
牛魔王拼盘完全可以满足我对牛嘅渴望！一次过可以试晒本地牛、牛胸爽、安格斯牛肉粒、牛脷！我最钟意系牛胸爽！咬落真系好香好好食！本地牛有肉香，牛脷薄薄地带爽脆口感同脂香，而安格斯牛粒就有口感得嚟又带脂香！
黑松露带子饺 $68/半份
[分数：8/10］
黑松露带子饺就相当巨型！半份有4只！饺皮薄薄，入面就爆晒馅！入面有带子、猪肉、黑松露、红萝卜碎，入口好香松露味，馅料饱满结实，好饱肚！
芝味向铃 $69/份
[分数：7/10］
芝味向铃都几特别，嚟到嘅时候已经闻到芝士味！原来系洒咗好多芝士粉上面～放入去渌嘅话要就住放，唔系嘅话啲芝士粉会直接冲走晒！如果系热辣辣炸起，就咁即食应该会更好～
柠檬薏米水 $39
[分数：7.5/10］
打边炉饮薏米水清热就最啱～仲加咗柠檬落去，饮落甜甜地，带少少酸味，仲可以去下油腻感添！
张贴
