新派韓食館 (已結業)

同朋友去踩单车之前，黎左一个屋村商场入面既韩国餐厅食饭。估唔到呢度都几靓几新，同呢个商场几大对比。食韩国菜点少得部队锅! 虽然我都知好唔健康，但一阵都做运动，就放纵一下啦! 我地要左芝士部队锅，完全唔辣。呢个部队锅几足料，有辣炒猪肉、午餐肉、金菇、菜，即食面，鸡蛋，仲有我最爱既鱼糕! 每块鱼糕都好大，仲有好多块，劲开心呀! 除左锅入面，炉点材料都好丰富，有滑滑既鸡蛋，芝士同粟米，食哂一锅都真系够2个人做午餐。但一场黎到点可以净食一样，我地仲要左一碟kimbap，姐系韩国寿司。除左我地拣既主角餐肉，仲有青瓜，萝卜同鸡蛋，饭卷好香麻油味，唔需要任何酱汁已经好好食。走既时候先发现原来呢度有午市放题，一次过可以试哂烤肉同火锅，价钱仲唔贵，下次会黎试下。