影片
更多
2024-08-08
347 浏览
之前朋友食过话尖沙咀𠮶间几好食，今日行开铜锣湾就试吓，佢有好多套餐拣，我哋拣咗姚姚鸡泡鱼套餐，有酸菜鱼同鸡煲，仲有小食同饮品都系$398。有酸菜鱼点可以无宽粉，所以加左$38宽粉，仲加左莴笋。小食酸辣土豆丝，系凉菜，好爽脆，切丝够幼，加上辣油，辣味比酸味多少少，酸酸辣辣好开胃。酸菜鱼两人份，鱼片够大块，份量大，系超多鱼片，配有香葱香蒜，干辣椒等啊，但要加宽粉，佢同个酸菜汤好夹，鱼片好滑，无骨同松化，酸味浓，叫中辣就啱啱好，宽粉厚身有咬口，烟烟韧韧，配埋酸菜鱼汤系超好食！莴笋够爽口，酸菜配埋鱼片少少辣好惹味。鸡锅配料好多，有洋葱冬菇竹笋同少少辣椒香葱，仲有木耳，啲配菜好入味，鸡件好香口，因为佢有爆香炸左先炒，惹味得黎唔太咸，味道系好既，啱钟意吮骨之人。值得一赞嘅系佢有用火暖住啲酸菜鱼同鸡煲，keep住个温度，所以可以慢慢食慢慢倾计！
小食酸辣土豆丝，系凉菜，好爽脆，切丝够幼，加上辣油，辣味比酸味多少少，酸酸辣辣好开胃。
酸菜鱼两人份，鱼片够大块，份量大，系超多鱼片，配有香葱香蒜，干辣椒等啊，但要加宽粉，佢同个酸菜汤好夹，鱼片好滑，无骨同松化，酸味浓，叫中辣就啱啱好，宽粉厚身有咬口，烟烟韧韧，配埋酸菜鱼汤系超好食！莴笋够爽口，酸菜配埋鱼片少少辣好惹味。
鸡锅配料好多，有洋葱冬菇竹笋同少少辣椒香葱，仲有木耳，啲配菜好入味，鸡件好香口，因为佢有爆香炸左先炒，惹味得黎唔太咸，味道系好既，啱钟意吮骨之人。
值得一赞嘅系佢有用火暖住啲酸菜鱼同鸡煲，keep住个温度，所以可以慢慢食慢慢倾计！
张贴
