餃掂手工餃子雲吞專門店

香港嘅饺子店唔少，一条街可能都有几间。今次第一次试饺掂嘅饺子，新鲜又足料，绝对值得试一试。香煎软心芝士煎饺金黄色嘅饺子每粒望落都好饱满，煎得好香脆，咬落去热辣辣，仲有邪恶嘅流心芝士，加埋粒粒粟米，令到饺子食落去冇咁易腻。双拼汤饺 状元九鼎汤用左苹果生鱼无花果等材料煲嘅汤底，饮得出个汤冇味精。韭菜猪肉同粟米猪肉都系非常足料，特别喜欢饺子入面鲜甜爽脆嘅甜粟米，食得出用左新鲜嘅材料。四川凉皮凉皮有好香嘅蒜味，加左大量嘅蒜粒同辣椒油，又辣又香口。凉皮都好弹牙，凉凉的好岩依家嘅天气食。黄金原味皮蛋平时食开黑色嘅皮蛋，今次试下黄金皮蛋。切开左嘅皮蛋每块颜色都好金黄，望落块好吸引，酱汁酸酸地，系开胃嘅小食。蜂蜜柠檬薏米水甜甜嘅蜂蜜味带微微嘅柠檬酸，有好多薏米好足料。