餃掂手工餃子雲吞專門店

约了同事食饭，但佢因湿疹发作，所以要戒口，主要可食猪肉，所以今晚拣了一间以猪肉为饀的饺子店，她必能开怀地拣选。环境光猛，地方整齐企理。有两排单边位和两张四人枱，座位不多，但很开扬，坐得舒适。餐簿好靓，资料详尽，相片吸引得令我流晒口水。主打系饺子，款式多，仲有灼、煎和汤三种制法，另外仲有外卖生饺子、手工云吞、面食、前菜小食、汤、饮品和特制品。同事唔系第一次食，但就未食过招牌嘅龙凤松茸双汤饺配状元九鼎汤  ($92/8只)，它系白松露和黑松露各四只。哗！胀卜卜，好饱满，外皮厚薄适中，睇到内饀。肉饀啖啖肉，一啲都唔肥，两种味都好好味，既有松露香，亦有鲜肉香，而黑松露饺就更香，正！九鼎汤 好鲜香，味道浓郁，啖啖鱼鲜味，甘香美味。香煎软心芝士饺子 ($58/7只) 只只金黄，好靓仔，香脆可口。内饀有猪肉、爽甜嘅粟米和咸香嘅芝士，皮薄饀靓，再点啲菜脯辣椒酱，香辣惹味，滋味!上汤松茸时蔬($35）翠绿爽嫩，配了爽口的松茸和甜美嘅杞子，矜贵美味！龙凤蛋配黑白松露酱($18/1只)蛋黄亮丽黏滑，整得入味，再自行配上黑白松露酱，添了松露香更好味。热自家制山楂雪梨水 ($20/杯及$28/支）真材实料，酸酸