牛摩 (荃灣千色匯I) (已結業)

足料香浓椰子鸡锅x双牛放题套餐🐮一上个火锅已经闻到好香，打边炉之前，个锅一滚我哋就先试吓个椰子鸡汤，好香甜滋润😍饮够两碗先落鸡，鸡件够晒多，我哋无渌好耐，熟左就先夹返上碟，以免渌太耐会老😂我哋两个系咁话「咁多点食得晒」点知最后俾我哋清晒😎个汤底真系好足料，劲多椰子片！仲有少少药材味，有龙眼肉、杞子等材料，同几旧粟米，所以好香甜。🔸美国SRF 和牛牛颈脊🐮呢款比较多脂肪，油脂分布平均，肉质嫩滑，好食！🔸封门柳🐮 全只牛得一条，系横膈膜隔离，脂肪少啲，但食落好重牛味！🔸牛舌👅我最爱😋平时多数烧肉食牛舌，打边炉都唔错，肉质爽弹，牛味都好浓郁！要Encore!!🔸特级牛肉🐮精选牛肉🐮豚肉片🐷呢啲都系任食，不过我哋食左各一碟都已经好够！🔸自助区配料有好多款丸类、蔬菜都好多款。仲有面、饺子、寿司、沙律🥗甜品就梗系唔少得啦，除咗有雪糕之外，仲有泡芙、Brownie 等等。饮品我推荐呢个百香果沙冰，好饮！好彩午餐有留肚，如果唔系食唔到咁多野🤣钟意食牛嘅朋友真系唔好错过，牛肉真系高质！餐厅坐得好舒服，座位好宽敞，今晚我哋早嚟到，可以两个人一个卡位。