芋圓一 (已結業)

三人行喺旺角食完晚饭，意犹未尽，专登行过大角咀食甜品。三个人，叫咗三碗甜品。首先要赞下个卖相，真系同 menu 上面嘅相片一模一样，绝对符合商品说明条例😆。其次要赞嘅就系个份量，超大，劲足料。镇店之宝嘅传统仙草芋圆好丰富，当中嘅手工芋圆 Q 弹有咬口，四种口味（芋头，紫薯，地瓜，南瓜）以地瓜同紫薯较为突出，再配埋仙草，红豆，薏米，白玉同黑糖珍珠等配料，唔同口感及甜度嘅食材互相补足，好食👍。芋香仙草芋圆同传统仙草芋圆差唔多，只系少咗红豆，再加返个芋香汁，我就觉得传统嘅黑糖汁好食啲，芋香汁食食下会觉得有啲腻。至于爱文芒甘露就正常水准。