影片
更多
2012-11-26
626 浏览
一心要参与「食府盛荟2012」活动，所以多次浏览该网页，务求要试到特别套餐为止。几经筛选，XO决定大战湾仔区中菜代表「上海佬」，因为睇中其套餐之菜式及网上订座之半价优惠！「上海佬」离小弟公司较远，步行大概十五分钟，一来一回，正式午膳时间只剩半个钟。好彩有表妹陪试，佢可以提早到，为表哥安排食物立刻上枱，以便节省时间。「上海佬」𠮶幢大厦唔系好起眼，大堂同门面灯光较暗，如果唔系门口见倒位哥仔为餐厅派传单，佢又好人到为小肥带路，XO仔可能要行多几转先揾倒。入到去餐厅座大厦，一片漆黑，只可以讲得出大堂有两位男生负责接待，样貌身材年龄完全睇唔清。得知我一早订左「上海佬」，哥仔就叫我行上楼梯转右入餐厅。上到去已经有另一位哥仔等紧我，带我埋位。唔知会唔会同人客少有关呢，餐厅比我一个好阔落o既感觉。地方大，楼面高，坐卡位更增添私人空间，我地两老表都觉得好舒服。虽则昏暗o既环境有啲似浪漫o既西餐厅，不过格调同音乐够潮，室内装修，间隔同摆设都带有中国色彩，好衬托个上海feel。小肥尤其欣赏餐桌上别致o既灯饰。𠮶朝早其实已经有位姐姐仔打左电话比我确认订座，顺道问我地两位系咪都会选择特别套餐，所以未去都感觉到自
「上海佬」离小弟公司较远，步行大概十五分钟，一来一回，正式午膳时间只剩半个钟。好彩有表妹陪试，佢可以提早到，为表哥安排食物立刻上枱，以便节省时间。
「上海佬」𠮶幢大厦唔系好起眼，大堂同门面灯光较暗，如果唔系门口见倒位哥仔为餐厅派传单，佢又好人到为小肥带路，XO仔可能要行多几转先揾倒。入到去餐厅座大厦，一片漆黑，只可以讲得出大堂有两位男生负责接待，样貌身材年龄完全睇唔清。得知我一早订左「上海佬」，哥仔就叫我行上楼梯转右入餐厅。上到去已经有另一位哥仔等紧我，带我埋位。
唔知会唔会同人客少有关呢，餐厅比我一个好阔落o既感觉。地方大，楼面高，坐卡位更增添私人空间，我地两老表都觉得好舒服。虽则昏暗o既环境有啲似浪漫o既西餐厅，不过格调同音乐够潮，室内装修，间隔同摆设都带有中国色彩，好衬托个上海feel。小肥尤其欣赏餐桌上别致o既灯饰。
𠮶朝早其实已经有位姐姐仔打左电话比我确认订座，顺道问我地两位系咪都会选择特别套餐，所以未去都感觉到自己系位贵宾，而且餐厅好有系统。小肥坐上卡位，发觉餐桌上每个客人面前都摆放有两双筷子，即其中一对为公筷，更觉餐厅细心且卫生，倍感满意。（表妹其后话我知，佢觉得服务生态度参差，有哥仔说话客气，亦有哥仔比较晦气，所以我顺佢意扣左一分服务分。）表妹先到，哥仔解释比佢知我地个套餐一定要经网上订座先可享有半价优惠，其他客人叫黎食要比正价HK$398一位。为方便读者门查阅，小弟在此先放上「上海佬」喺「食府盛荟2012」活动网页内提供之餐单。 上海佬拼盘：镇江肴肉，葱油海蜇头，香干马兰头：葱油海蜇头香口爽脆，系小肥最喜爱食品之一，亦系三款冷盘中做得最出色o既一味！镇江肴肉软硬适中，点左醋黎食好醒胃。好感激师傅先为马兰头包扎过，增添口感，且另食客唔洗食得咁狼狈。
见餐厅做紧个秋冬滋润饮品优惠，特饮每杯HK$9，天口又咁㷫，所以就叫左杯涷o既雪梨无花果水黎饮。味道好清甜，唔错！
龙井河虾仁：虾仁爽口弹牙，香甜美味，唔会太油腻，最感动系份量比小肥预期多，好得体。
云石豆腐羹：个汤好够热，入口香滑，小肥仲食得出羹入面放有蟹肉丝，整体好清甜。之前喺第二间上海菜馆食过外表差不多o既「文思豆腐羹」，所以知道此豆腐羹内千丝万缕丝o既豆腐丝正系表现出师傅o既刀功；食得出豆腐幼嫩，好明显师傅并冇拣选较易切o既「硬」豆腐或有层皮o既豆腐！
黑松露牛柳粒锅巴卷：「上海佬」特制之菜式也。锅巴香口，且奇脆无比，绝不逊色于薄薄o既薯片。虽然黑松露味道唔够浓郁，估计系卷内o既青椒所致，不过胜在牛柳粒软腍又唔干，配上超脆锅巴，劲啱XO仔口味！大家一定要黎试！
红烧狮子头：狮子头松软野味，不过小心个心好热。
影相角度好难掌握，不过以下幅相系想比大家睇下「上海佬」个斜形碟，好有心思地张食物面向食客。
灌汤小笼包：新鲜热辣原笼上，皮薄馅靓汤份足，上海名点心小笼包做得好出色！
上汤津白：小肥对菜冇乜研究，亦不懂欣赏，只可以引用表妹句“very tasty”。
桂花酒酿丸子：桂花味清香，酒酿丸子弹牙但不黐牙，甜味又唔会过量，食后感觉好清新。
「上海佬」为「食府盛荟2012」活动设计之套餐内o既菜式非常丰富，亦好多元化，如果一个人黎食真系唔需要担心叫乜野食好，HK$200一位亦算超值。餐厅都算大方，食物份量绝对唔会因有半价优惠而大打折扣，而且食物质素高，师傅厨艺有水准，所有食物分好哂，简单卫生，真系好难唔满意！此外，上菜速度快慢适中，客人唔需要等好耐，最重要系XO赶得上两点前返到公司。张贴
