影片
更多
2022-10-13
665 浏览
平时食一餐Fine Dining人均都至少一二千蚊以上, 最近跑马地开左一间新嘅法国Fusion餐厅, 严选高级食材, 每日新鲜运到, 摆盘卖相精致, 6 courses menu都只系人均$680, 价格相当亲民 餐厅以黑色同木色作主调, 搭配雅致嘅怀旧风欧陆家具, 灯光昏暗有情调, 相当浪漫而且私隐度极高, 只接受预约订座, 不设Walkin, 有兴趣嘅朋友记得要book枱啦! 🌟羊肚菌忌廉蘑菇汤蘑菇汤一上枱已经香气四溢, 旁边有原只羊肚菌默缀, 汤汁选用全羊肚菌新鲜制作, 汤质浓稠顺滑, 入面仲有一粒粒嘅菌粒, 鲜香美味, 配搭餐厅即叫即焗嘅新鲜香脆面包一齐食更滋味, 仲可以refill的! 🌟手工黑松露带子酥配带子边波特酒汁手工黑松露带子酥, 酥皮每日由师傅新鲜手工制作, 酥脆松化, 中间包裹住鲜甜嘅带子, 黑松露及羊肚菌, 层次感十分丰富, 伴以带子边波特酒汁, 令鲜味再提升 🌟慢煮鲜鲍鱼伴鲍鱼肝酱南非鲍鱼每日新鲜运到, 以慢煮方式烹调, 口感鲜味软腍, 配搭采用鲍鱼肝胆加昆布制成嘅酱汁, 令鲍鱼鲜味更突出🌟白花胶伴法式藜麦白汁用西式烹调手法制作白花胶比较少见, 白花胶厚身软
餐厅以黑色同木色作主调, 搭配雅致嘅怀旧风欧陆家具, 灯光昏暗有情调, 相当浪漫而且私隐度极高, 只接受预约订座, 不设Walkin, 有兴趣嘅朋友记得要book枱啦!
🌟羊肚菌忌廉蘑菇汤
蘑菇汤一上枱已经香气四溢, 旁边有原只羊肚菌默缀, 汤汁选用全羊肚菌新鲜制作, 汤质浓稠顺滑, 入面仲有一粒粒嘅菌粒, 鲜香美味, 配搭餐厅即叫即焗嘅新鲜香脆面包一齐食更滋味, 仲可以refill的!
🌟手工黑松露带子酥配带子边波特酒汁
手工黑松露带子酥, 酥皮每日由师傅新鲜手工制作, 酥脆松化, 中间包裹住鲜甜嘅带子, 黑松露及羊肚菌, 层次感十分丰富, 伴以带子边波特酒汁, 令鲜味再提升
🌟慢煮鲜鲍鱼伴鲍鱼肝酱
南非鲍鱼每日新鲜运到, 以慢煮方式烹调, 口感鲜味软腍, 配搭采用鲍鱼肝胆加昆布制成嘅酱汁, 令鲍鱼鲜味更突出
🌟白花胶伴法式藜麦白汁
用西式烹调手法制作白花胶比较少见, 白花胶厚身软腍 ,胶质丰富, 酱汁方面, 采用西芹,藜麦同忌廉制成, 味道清新甜美, 加埋烤过嘅藜麦,同咸咸香香嘅鱼子酱, 层次感相当丰富
🌟新派意大利饭(鱼籽酱，三文鱼子，烧汁鲍鱼)
三款意大利饭大约有两至三啖份量, 由淡味至浓味慢慢品尝, 鱼籽酱配搭白汁忌廉, 三文鱼子配搭自家制三文鱼白汁, 而烧汁鲍鱼则配搭鲍鱼汁, 口感湿润软糯, 每粒饭都被酱汁包裹住
🌟手工鹅肝雪糕
鹅肝雪糕真系第一次试, 餐厅每日新鲜用鹅肝打成雪糕, 口感软绵绵带淡淡鹅肝味道, 十分有惊喜
张贴
