影片
更多
2024-07-30
215 浏览
朋友喺呢头返工，同我讲呢间啲越南菜好正宗，而且都几多明星帮衬，仲话钟意食越南菜嘅话千祈唔好错过。既然佢讲到咁正，我都抱几大期望嚟试。结果都觉得系真系几唔错，而且偷听到员工之间嘅交流，感觉上都真系几正宗几地道😂。‣ 招牌越式法包 $78法包入面包括肝酱、烧肉片、熏蹄、扎肉、越式酸菜、芫荽、法国牛油同青瓜。既然写喺招牌，我就放弃咗捞檬，试一试个法包。食完之后觉得都几惊喜，我好钟意入边嘅酸萝卜丝，真系好开胃。法包烘焗得啱啱好，肝酱香而不腥，而啲烧肉片肥瘦均匀，所有嘢感觉都系啱啱好，食完好想再嗌多份嚟食。而我特别钟意上面嘅芫荽，觉得令到成个法包更加香。‣ 河内火车头汤河粉 $152河粉入面包括安格斯生牛肉、熟牛肉、牛白肉、牛柏叶、牛筋同牛丸。汤底系有用心熬制，饮第一啖嘅时候已经觉得好鲜甜。而配料嘅份量，我觉得绝对对得住个价。生牛肉相当嫩滑好食，生熟牛肉都有，口感有唔同层次。而我都系第一次食牛白肉，本身以为系脂肪，但咬落去发现都几爽口，事后先知原来都系稀有部位嚟，印象几深刻。而我朋友就话比较钟意牛柏叶，钟意大块得嚟够爽口。河粉亦都相当滑溜，系我钟意嘅质地。‣ 越式话梅金桔蜜 ＋$12饮落酸酸甜甜
招牌越式法包
$78
96 浏览
0 赞好
0 留言
‣ 招牌越式法包 $78
法包入面包括肝酱、烧肉片、熏蹄、扎肉、越式酸菜、芫荽、法国牛油同青瓜。既然写喺招牌，我就放弃咗捞檬，试一试个法包。食完之后觉得都几惊喜，我好钟意入边嘅酸萝卜丝，真系好开胃。法包烘焗得啱啱好，肝酱香而不腥，而啲烧肉片肥瘦均匀，所有嘢感觉都系啱啱好，食完好想再嗌多份嚟食。而我特别钟意上面嘅芫荽，觉得令到成个法包更加香。
河内火车头汤河粉
$152
1 浏览
0 赞好
0 留言
‣ 河内火车头汤河粉 $152
河粉入面包括安格斯生牛肉、熟牛肉、牛白肉、牛柏叶、牛筋同牛丸。汤底系有用心熬制，饮第一啖嘅时候已经觉得好鲜甜。而配料嘅份量，我觉得绝对对得住个价。生牛肉相当嫩滑好食，生熟牛肉都有，口感有唔同层次。而我都系第一次食牛白肉，本身以为系脂肪，但咬落去发现都几爽口，事后先知原来都系稀有部位嚟，印象几深刻。而我朋友就话比较钟意牛柏叶，钟意大块得嚟够爽口。河粉亦都相当滑溜，系我钟意嘅质地。
‣ 越式话梅金桔蜜 ＋$12
饮落酸酸甜甜，开胃得嚟，感觉上其实都几养生。夏天饮其实几好，心理上觉得对个喉咙都有益，食法包嘅时候都可以放心食。
‣ 香茅青柠梳打 ＋$15
我自己就主要饮呢一杯青柠梳打，几钟意香茅同青柠之间嘅平衡，饮到青柠嘅酸酸甜甜，同时间又好重香茅味，真系会勾起返去东南亚旅行嘅回忆，值得加钱嚟饮。
张贴
