竹園海鮮飯店 (已結業)

肥肥家族其实不时都会出入跑马地，只系家人从未帮衬过位于电车总站o既「竹园海鲜饭店」，适逢两位长辈一同庆生，佢地就特意择日请大家一试「竹园」驰名o既靓海鲜。步进餐店一刻，即可望到门外玻璃架上摆出名贵靓翅，好有气势。用餐大堂o既墙身贴有大大张印有中、日、韩三语o既彩图广告，相信食客不乏亚洲籍游客。后方则挂出金丝百福图，刚巧配合当晚个生日派对，真系好意头。主人家一早已订好多道菜，并安排好白酒、红酒、及细佬最爱o既香槟，盛设非常！宾客到步不久，服务生迅即呈上多款香口醒胃o既小食如鱼仔花生、青瓜、皮蛋等以作送酒之用。小食原来全为免费赠送，当中o既苦瓜鸡脚、椒盐豆腐、椒盐茄子更是新鲜热辣辣，前菜都咁有镬气，当真令人十分期待接著落黎o既海鲜菜式。秘制潮州翅：据悉，「竹园」虽则唔算系潮州酒家，但其「潮州翅」可谓镇店名菜。哗，翅品香浓足料，腍滑暖胃，食完一大碗都唔觉腻口溜滞，果真名不虚传！避风塘濑尿虾：少食海鲜o既XO仔真系大乡里，要人教先识得点去剪开啲濑尿虾黎食。微辣o既濑尿虾肉爽脆惹味，坚！蒜蓉粉丝蒸贵妃蚌：每人最少有一只o既贵妃蚌爽滑非常，简单以蒜蓉蒸煮已能吊出鲜甜，伴上o既粉丝吸尽贵妃蚌流失o既