春宵

营业中

休息中

最近嘅天气就要同朋友一齐食火锅，朋友推介咗一间佢之前就经常嚟食嘅火锅。我哋叫咗招牌鸽子汤，饮咗啖就感受到佢哋嘅火锅汤底系新鲜熬出嚟，冇任何香精味，好养生，饮完胃暖暖地。我哋仲叫咗A级安格斯牛小排，虽然叫咗细嘅但系份量都比我哋预期中多。一间火锅好唔好食我除咗睇汤底，仲睇肉嘅质素，可以感受到牛肉系新鲜切好。我哋仲叫咗牛肉丸，一碟有6粒，炸午餐肉唔一定配麻辣汤先好食，配埋鸽子汤都好夹！强烈推荐二人什菜什菌盛合畀蔬菜菌类爱好者，真系好大一份，好多唔同种类，一次满足晒所有要求。另外仲有【鲜虾滑】虾肉真系好多好多！每一啖都可以食到肥美嘅虾肉。我哋仲见到室外仲可以位，环境睇落好舒服放松好大，感觉好chill。下次可以约多啲朋友嚟嘅时候一定要嚟试吓。仲有侍应嘅态度真系好好，一直帮我哋加水，上菜前仲帮手耐心盛汤，仲会一直留意有冇需要帮忙嘅地方。