西貢餐室

营业中

休息中

假日离开西贡巿中心揾食，行去翠塘停车场𠮶边，赶紧喺四点收舖前嚟到落单：肉碎饭、虾酱炒饭、饺子、叉蛋饭同咸柠梳打。大厨喺开放式厨房一放虾酱落镬，全间舖的人即时呼吸同一味道。炒饭够镬气，虾酱咁惹味，自然越食越想食；肉碎够辣有迷人香叶味，泰风味十足。饺子饀加咗金不换，清香，点埋个酱嚟食，味道上非常有自家特色，系一种会令你记住的美味，好彩有叫到呢碟饺子；叉蛋饭足料，豉油唔死咸，蛋炒得刚好，唔会太生又唔太老。食咗咁多味道，饮啖咸柠梳打中和吓就最适合，个咸柠斋食唔好味，配梳打反而有化学作用，两个超啱key。地方细细却坐满街坊，点可能错过。