The Dining Room by BluHouse (已結業)

我同男朋友第一次黎呢度食，唔识路由海旁Bluhouse雪糕牌入口，一入到去经过food hall 再去到正式入口。餐厅不大环境开扬，厨房有个大窗，有啲似米芝连啲餐厅嘅设计，中环好难book 𠮶间同电视剧木村𠮶套都系咁设计。之后侍应安排咗一张小枱。一坐低见矿泉水要30蚊杯，我地直接叫左mocktail, 有惊喜, 我果杯好好饮。酸酸甜甜有啲盐巴够杀菌。男友叫了西瓜汁，佢话清凉。之前见网上食评好坏参半，而且价钱比出面food hall贵，所以前一日研究左一下。原本打算叫一个set dinner 加2样散叫，可惜set dinner 要叫两份，所以索性全部散叫。好彩散叫，因为分量几多，仲送咗好多野食。意大利餐厅面包唔少得，侍应介绍咗三种面包同埋醋同橄榄油，不过不失。口感软糯脆口都有。之后头盘叫左龙虾沙律。个汁有芒果酸酸甜甜好开胃，龙虾爽口弹牙。主菜叫左海鲜窝配蚬壳粉呢个味道层次丰富好好食，有多种海鲜，又有蚬壳粉索浓汤。最后叫左甜品，BABA 火焰RUM酒蛋糕。再送了个千层蛋糕，果仁朱古力，芝士酥皮批全部都好好食！完满，埋单两个人两千蚊有找，跟我叫绝对不会失望。