半山食堂

营业中

休息中

朋友讲笑话去唔熟地头食晏，跟著地盘哥哥揾食就包无错。今次去到般咸道，毕业🎓咗廿年有多，以往食开嘅都已经唔见晒。沿路行见到有班地盘哥哥系到等位，一于二仔底死跟。等咗一阵有位坐，但两大两细要求我哋分台坐。繁忙时间无计啦、一句唔该照入座。入到去，你会发现好似去咗澳牛半山版，侍应比好大压力你，埋到嚟十秒讲唔出食咩，佢走会走咗去，怕受气就真系要揾过第二间。叫咗嘢食后观察四周，发现我哋已好彩。后来嘅五位地盘哥哥一行五人到，被分开坐三台😅仲要分三张台。幸好食物嚟到，发现真系唔差。炒滑蛋拍得住澳牛八成以上，沙爹牛肉面肉入味又算够淋身。时菜排骨河炒得好够镬气，河粉亦唔会碎湿湿。另外杯奶菜同柠菜都好高质，绝对唔系普通货色。