不倒翁中日火鍋料理

营业中

休息中

一个地球上祇得一个苏丝黄，同样地苏丝黄喺电视介绍好正个碟肥牛亦入左佢老人家个肚，所以我地去不倒翁极其量祇系（希望）食到类似嘅质量同质素。不倒翁虽然位处佐敦道旺区，但系缩左上二楼，所以十点后亦要做特价招徕，小弟第一次去已经系十点特价时段，所以同正价时间无从比较是否将货就价，招牌手切牛肉质素中上，不过叫大碟都系冇几多，我同女朋友两个人可以食两碟大手切肥牛，份量之少可以想像得到，而且全部都碎湿湿咁，要一次渌几块先够一啖，一碟大概十啖左右，鸳鸯汤底普通，西瓜汁冇味，招呼尚算不错，间中有侍应帮你撇走汤上面嘅油同泡，不过亦犯上同其他火锅店同一个毛病，但系猛推海鲜，虽然海鲜好利钱，但亦要顾下客人感受，适可而止。如果妳系苏丝黄，我系食店经理，拣都拣碟靓靓仔仔嘅俾你啦，炒碟𩠌都叫师父炒啦，唔通叫尾镬炒博闹咩？加上佢呢期当红，食店得罪佢肯定冇运行，我建议揾两个老临入餐厅点晒食物，到食物上台先轮到苏丝黄出场试食，我谂事情发展落去可能系两个故事。