相馬日式火鍋 (已結業)

去过相马其他分店，今次嚟到西环呢间，做紧大闸蟹海鲜火锅放题，环境都系唔错，坐得几舒服！今次嘅重点一定系大闸蟹，因为大闸蟹任食嘅，本身以为任食嘅大闸蟹可能质素都会有啲参差🥺但系真系好有惊喜！每一只上枱嘅大闸蟹都大只，而且大部份都有蟹膏，仲要系黄油软绵嘅蟹膏！蟹膏好多，一只已经好满足，蟹肉亦都好易可以拆出嚟食，超超超满足🤩另外一个重点系海鲜蒸锅，虽然呢个系一次性，但系啲海鲜都好靓😚有开边嘅龙虾，亦都有鲍鱼海虾大蚬，同蒜蓉一齐去蒸，食到海鲜既原味，亦都食到蒜蓉嘅香味，绝对系蒸海鲜嘅最高境界🥳其实饮完胡椒花胶鸡汤，食完大闸蟹再食埋海鲜蒸锅已经饱佐一大半🤫但系见到啲炸鸡翼真系一定要试！全部鸡翼都系单骨鸡翼，而且即叫即炸，味道亦都有唔同选择，椒盐鸡翼，蜜糖鸡翼，黑椒鸡翼，全部都脆卜卜，香口惹味，另外火锅配料都新鲜好食😘