E FOR EGG

营业中

休息中

又系一个超冻嘅晚上，本来想食啲热嘢。但系邻居话好想食呢间，超期待要去，咁就不妨一试啦。各自嗌咗一个便当，另外两个小食同埋一个甜品。消息好快就上咗嚟啦，咁邻居就话想要只碟嚟食鸡翼，但系个侍应可能始终系细路女入世未深，竟然同我哋讲哦你哋一阵间有个便当我哋而家嘅话就唔会比碟你嘅。OMG! 咁唯有我哋就叉住个薯条食住先，跟住啲鸡翼就等到四个便当嚟切咗先至食，但前后𠮶度都超过咗15分钟。啲鸡翼都放凉晒，好食都变咗唔好食，里便啲芝士都唔溶啦，仲有啲弹牙添。我自己就嗌咗个和牛便当，其实啲牛肉个汁都几好味，但系就唔明白点解佢落咗啲胡椒粉落去，搞到个牛肉个感觉有啲怪。跟住佢哋收咗我哋个便当准备上甜品，我就谂住留返自己只差，惊一阵间食甜品佢连茶都唔俾我。今次个侍应终于醒觉，俾咗四个碟仔我哋。反而我嘅欣赏佢个甜品，个抹茶窝夫中间有雪米糍，超钟意雪米糍感觉好似食紧麻糬口感烟靭。我觉得甜品嚟讲都有机会再试多次，但系啲邻居就唔多愿意俾多次机会佢哋啦。