路邊煱 (已結業)

今晚同朋友山长水远走过海打边炉！听朋友介绍土瓜湾新开左间隐世边炉！听我朋友讲到好吸引！所以要去潮拜一番到达落山道转左后，行多几个铺位就会见到路边锅，环境好光猛！地方阔落，地上亦干净整齐！我地当然试最人气既什菌花甲锅，当锅黎到时，店员非常有礼貌地讲解，个汤底可以再滚多阵之后就可试个汤，有大量花甲，什菌菇，蕃薯，粟米！好有"家"既感觉！！饮落好窝心，汤底好浓郁我谂有成20,30只花甲都有！所以非常鲜甜,之后叫左碟呢间铺首创既紫菜脆响铃，真系第一次食！！内层有紫菜，外层即炸响铃！2样香脆既食物放系一齐！真系10个脆响铃上面有d"怀"盐，更加惹味之后个广岛蚝亦系不得之了！虽然熟后缩水，但系蚝既甘香依然留住！非常好味！！另外碟虾上店时仲系札札跳，d虾脚郁郁下，熟后食落非常新鲜！坚系爽口最后要推介系个牛颈脊！牛味香浓，入口后6-7秒！油脂既甘香系口腔内游走！闭起双眼慢慢感受油脂既带比口腔既快感！无得弹侍应既态度亦都非常好，总括黎讲系间好有水准既火锅店