鴻運泰國美食 (已結業)

位置系中环心脏地带，老兰大斜路旁边小路入，原来别有洞天，左右两排都有好多小店，今日如果唔系朋友带我，跟本唔会留意。大部份位都系露天，100位到啦，喜欢吹水饮酒食烟，一定喜欢呢道。酸辣海鲜粉丝沙律，自家酸辣汁好惹味，调制得唔会太酸，好开胃，食完醒神哂。食泰菜点可以冇啤酒，冇象啤唯有拣SINGHA，啤酒够哂冰冻，加分！冬荫功汤，全晚至爱，辣味十足，上面浮动住一层虾油，呢种正宗冬荫功汤，可以话香港少有，我自己饮咗两大碗。虾酱炒饭，饭炒得好干身，虾酱味道重，个人觉得如果只蛋变造流心荷包蛋，效果可能更佳。