銘陽車仔麵

营业中

休息中

今日去左铭阳度食lunch，一排冇去问一问d staff先知原来搬左铺位，搬左个转角位。谂住试试佢啦，话晒都几耐冇食，本来以为会跌watt，哎呀又冇乜事㖞，keep得返个水准。我嗌左牛肚同牛腩，真系几推荐刀削面虽然荃湾有几间，但系铭阳𠮶配菜系比较特别。咁嘢饮都系嗌返冻奶茶，天时暑热，但系呢间杯奶茶系有阵绿茶味，唔钟意绿茶冇得讲，但系真系系有别于其他铺头嘅奶茶，系值得一试。我自己就比较大食，同埋有d饿，就唉埋两个小食，方方地𠮶个系呢度老板娘嘅拿手嘢墨鱼饼，次次黎亲都食，另外就系椒盐鱿鱼酥，呢个就冇咩特别，但系可以一试，同其他鱿鱼酥冇咩分别。以前食开可以继续黎，未食过嘅可以坐低试试，整体几好，下午茶时间去都不我地过。