甜家

营业中

休息中

去食完pizza行到过西环想食糖水，本来想去𠮶间老字号， 但系朋友又话而家唔多好食，出大街望下发现咗呢间 糖水舖， 几好吖唔使check都知道系好钟意香港嘅~ 入去系一位后生姐姐做招呼，望下餐牌~ 有样嘢叫"是但啦 whatever"﹐ 我系一个好有冒险精神嘅人决定就佢，朋友就保险少少要咗个栗子露， 最先上嘅朋友个栗子露，望落嘅成色都唔错； 我个是但啦都唔多是但，因为都等有少少时间先上，造型非常之出色， 底系益力多沙冰再配椰果+芒果爆珠，仲有应该系oreo雪糕m 味道好夹，椰果个啲冇用糖水浸到好甜， 所以食完都唔会好腻；试过朋友𠮶个栗子露~虽然一啖咁大把，但系食到非常之真材实料，栗子味好香浓， 唔会太甜，搞到我都想打包一碗走~埋单嘅时候问过姐姐究竟个是但啦系咪随机，佢话系仲要睇下系边个做， BTW唯一美中不足就系姐姐可能做得太攰，面口有啲黑…