漢年茶餐廳

营业中

休息中

今日同朋友去大围踩单车，踩到马料水就返转头，然后求其揾啲嘢食。个人比较喜欢一啲旧式茶记，于是行左一个圈就入左呢间茶餐厅喇。其实呢间嘢都几爆下，但都比到1张枱我哋。我哋3个人一人叫左一样嘢，2其中2个系晚餐连嘢饮，都一般茶记水准。胜在大件夹抵食，$49一份晚餐跟埋嘢饮，仲要劲大碟！朋友叫猪扒饭$51跟嘢饮，成碟有3-4块猪扒，猪扒唔错。雪菜肉丝焖米$49连饮品，太大碟食唔晒，不过好似有啲清淡，不过不失。干炒牛肉公仔面，$51不连饮品，牛肉无牛肉味，公仔面比较好食😂比较注意到一样嘢，呢间餐厅应该有样招牌菜：盐焗鸡饭（碗），我觉得几得意，仲几多人叫。留意：茶餐厅比较旧式，关门时间比较早，夜晚收7:30pm㗎咋，好多人入到嚟都冇得外卖同堂食喇。