影片
更多
2010-04-30
3 浏览
早一排上黎呢搵過下野食, 無意間發現左喺師傅個環頭開左間新食店, d食評仲好似好得添, 既然如此師傅一定要去會一會佢, 於是昨日趁住放飯時, 一支公去左呢間食店度食個晏啦! 去到門口準備入去之際, 望到個餐牌d價錢好似唔平喎, 但都既然黎到師傅決定豪一餐, 順便氹下自己! 入到去好似冇咩人喎, 師傅覺得有d奇怪, 再望下個手機發現時間原來都唔早, 已經過左午膳最忙嗰一段時間, 咁仲好可以慢慢嘆! 坐底即刻睇下有咩食啦, 好似樣樣都好吸引, 最後諗左一陣, 師傅決定要個<本地新鮮牛坑腩拼魚片頭>, 撈咩好呢? 最後都係揀左幼麵, 配上森寶醬, 而呢個午餐再加十五蚊就可以加多樣小食同飲品, 咁師傅就加左個醉酒牛脷托同凍黃綠相配檸茶!等嘅時間唔係好耐, 最先黎嘅就係醉酒牛脷托, 老實講一睇個名真係唔知咩黎, 估佢係d酒釀嘅牛脷啦, 至於何謂牛脷托師傅真係不得而知; 牛脷托切得細細粒, 一放入口發覺十分之鬆軟, 而且口感不錯; 用酒去浸份外香甜, 師傅覺得酒嘅份量啱啱好, 至少唔會大左, 但再多少就好可能會冇咁好味, 皆因會偏苦!而主菜本地新鮮牛坑腩拼魚片頭撈麵, 睇得出係有心
入到去好似冇咩人喎, 師傅覺得有d奇怪, 再望下個手機發現時間原來都唔早, 已經過左午膳最忙嗰一段時間, 咁仲好可以慢慢嘆! 坐底即刻睇下有咩食啦, 好似樣樣都好吸引, 最後諗左一陣, 師傅決定要個<本地新鮮牛坑腩拼魚片頭>, 撈咩好呢? 最後都係揀左幼麵, 配上森寶醬, 而呢個午餐再加十五蚊就可以加多樣小食同飲品, 咁師傅就加左個醉酒牛脷托同凍黃綠相配檸茶!
等嘅時間唔係好耐, 最先黎嘅就係醉酒牛脷托, 老實講一睇個名真係唔知咩黎, 估佢係d酒釀嘅牛脷啦, 至於何謂牛脷托師傅真係不得而知; 牛脷托切得細細粒, 一放入口發覺十分之鬆軟, 而且口感不錯; 用酒去浸份外香甜, 師傅覺得酒嘅份量啱啱好, 至少唔會大左, 但再多少就好可能會冇咁好味, 皆因會偏苦!
而主菜本地新鮮牛坑腩拼魚片頭撈麵, 睇得出係有心機煮, 牛坑腩同魚片頭係分開上, 牛坑腩係清湯蘿蔔湯底, 未食牛坑腩先試下個湯底, 湯底係十分清甜, 冇味精, 試完個湯底都估到個牛坑腩唔會太差, 接住落黎試牛坑腩, 牛坑腩係半肥半瘦, 呢d真係攞你命三千, 皆因最好味係呢d半肥瘦, 最毒亦係佢, 一吃下去發覺牛坑腩炆得好腍, 肉雖然腍但仍有少少爽口, 爽口得黎又唔會韌, 呢一下真係可圈可點, 而且仲食到有牛味, 呢一下都不得不講句"細佬睇你唔止咁少料喎", 而伴底嘅蘿蔔亦鮮甜, 加上好腍好入味, 正!
既然牛腩咁掂, 無理由唔即刻試下個麵喎, 話晒呢間食店係以麵食做招牌, 故麵應該唔差; 撈麵係屬於乾撈, 冇上湯配上但有森寶醬, 森寶醬係咩? 細問之下先知原來係印尼嘅一種醬汁, 係辣辣地, 配上幼麵再撈勻份外惹味, 唔用上湯用醬汁又別有一番風味; 加上幼麵真係爽口彈牙, 絕對唔會韌或硬, 麵質真係好正, 掂呀; 伴碟有少少銀芽, 銀芽本身好爽, 不過略嫌太腥, 如果可以改善下應該用更好; 最後講下魚片頭, 魚片頭都算幾大件, 而且十分爽口, 加上好有魚味, 真的不錯; 而凍黃綠相配檸茶即係檸檬加青檸, 味道幾特別, 有一般檸檬茶味道外, 亦有青檸嘅獨特香味, 得喎!
總括黎講食物質素甚佳, 水準頗高, 地方清潔乾淨, 服務亦算親切友善, 價錢都唔平, 六十八蚊本地新鮮牛坑腩拼魚片頭撈, 再加十五配上小食同飲品, 埋單八十三, 算得上貴, 不過偶然一次就當獎勵下自己啦! 師傅身子唔太好, 但依然十分為食, 是次呢餐堪稱身體對抗賽, 真係唔死都偷笑; 呢間食店師傅覺得值得一試, 但就未必會經常黎, 皆因唔化算, 笑臉值得一比!
张贴
