榮記粉麵

营业中

休息中

朋友话呢间车仔面劲好食，行开附近就去食下佢。本身心谂车仔面可以有几好食，咪又系咁，点知好食到傻左！可以话系我至今食过最好食既车仔面！！！！.舖头装修唔突出，同一般粉面店差唔多，果然系禾秆冚珍珠！餐牌既𩠌都算充足，仲有啲唔常见既牛肺同鱿鱼须等等，价钱合理，最多可以叫五𩠌，身边啲人平均都系叫四个𩠌，可想而知几抵食！.唔讲咁多即刻开餐，我叫左牛腩、猪大肠同萝卜三拼油面，腩汁，一黎见到𩠌份量都算多，腩汁好浓郁，已经忍唔住试左个腩汁，系劲浓郁系牛肉味，带一啲鲜甜味，未食个面已经胃口大开！面系正常既，重点系啲𩠌！萝卜系世界级好味！！！无渣！鲜甜！入味！真系好少车仔面店可以做到嚿嚿萝卜都咁好味！真系一食难忘，强烈推荐大家叫萝卜！之后牛腩又系唔错，佢比啲腩位睇落唔太"腩"，但系一食落去好腍，系炆到好腍既𠮶种，并唔系松肉粉既𠮶只腍，好入味，好食！猪大肠都系卤左一段时间，有咬口又唔会好韧，好入味，重点系洗得好干净，都唔错！再加分系每碗都有配少量菜，几细心，有诚意！食完一嗒又嗒，一嗒腩汁一嗒面，真系好似上左瘾咁，第一次食车仔面有呢种感觉。.总括黎讲，三𩠌$39，系铜锣湾呢个价钱，再加上呢个质素，系劲抵！强烈