過橋麵檔

营业中

休息中

话说今日同几位同事出黎食午餐，有人建议去呢度食鸡，以前过桥面档系主打车仔面，以前个价钱好平20蚊就有个两𩠌面加枝可乐，不过已成历史。大装修后都有车仔面，但唔再系主打，变左小菜馆主打系鸡，之前都有试过佢d小菜都唔错，午市同晚市价钱会有少少分别。霸王鸡饭，由于只系黎食午餐所以个人叫左霸王鸡菜饭，鸡既份量都几多，面头铺左好多蒜姜葱，鸡味都几足不过唔算好滑。豉油鸡，酱料味会比较重d，份量都系几足。咸鸡菜饭，有同事拣左招牌菜咸鸡菜饭，特别之处系用新鲜走地鸡，价钱略贵份量都睇落较少，同事食落话唔算好出色，唔太抵食。都有同事选择左车仔面，但而家睇黎真系唔想做车仔面咁，好多𩠌都无得拣，连面底都唔多选择，睇黎过桥面档都唔想卖面。几个餐都跟一杯冻西柚茶，唔洗加钱，几有特色，茶底系用返柠檬茶果只红茶，只系柠檬换左西柚，饮落都几好饮。虽然过转左营后质素都唔差，但无左以前系度食车仔面果种情怀，有点可惜。