過橋麵檔

营业中

休息中

元朗呢間過橋麵檔都開咗超過10年，有兩間分店，大部份街坊都應該認識。我特別推薦呢度嘅招牌霸王雞飯 🍛。霸王雞飯嘅雞肉非常嫩滑，入口即化，配上香蒜同特製醬汁，味道濃郁而不膩。底層嘅芽菜增加咗爽口嘅口感，再加上菜飯，整體感覺非常健康 🥬🍚。每一口都令人滿意，真係好難唔鍾意呢道菜。除咗霸王雞飯之外，呢度有不同款式的雞飯,  還有各式小菜, 車仔麵等, 一定有係喜歡的，非常適合喜歡嘗試多樣口味嘅朋友 🍜。

今次黎到元朗行, 行到夜晚就要搵地方食Dinner, 元朗係多野食揀既行到最後決定試下呢間未食過既地方, 最後點左豉油雞菜飯.豉油雞(OK)份量正常吧, 雞都是滑滑地, 口感OK, 豉油雞味道係有既, 整體雞算係OK菜飯(OK)份量OK, 飯口感唔會太林又唔會太油.環境方面, 因為主要個邊滿座所以要坐另一邊, 雖然位置細D不過都唔算太迫, 有冷氣>>>總結<<<試過一次就OK, 未試過所以就今次黎食了~

呢間店出名嘅 “霸王雞” 雖然出名好食, 但服務態度超差. 我同老公買一盒霸王雞飯外賣等左15分鐘然後問一個阿叔仲要等幾耐, 叫佢幫手跟一跟, 但佢只係敷衍回應叫我地再等下, 完全冇幫我跟張單, 例如仲有等幾耐/ 仲有第個張單先我個張等等.等左一陣跟住再問佢我地張單, 佢好好惡劣語氣同我地講:「個個都係排緊隊架啦! xxxxx................」. 然後我地店外等好耐見到門口有兩張咭櫈去坐一陣等, 佢之後啱啱有客人黎然後趕地走 (店內仲有好多位).我覺得今時今日飲食業成日話個市差, 但有冇檢討下呢啲服務態度點會留到客.  而家港人鍾意北上消費, 除左勝價比高, 人地服務質素, 態度都好好.作為一個消費者買野食 (唔係平) 仲要受氣, 我以後都唔會再去, 大家去食都要考慮下, 可能貼錢買爛壽.

🐣|《霸王雞+菜飯/麵 $64》半隻 $116全隻 $204👻 霸王雞配蔥炸蒜豉油芽菜，再配少少嘅辣椒十分惹味，個人超級愛佢嘅芽菜 勁好食，送飯一流！😆不過佢豉油應該再有加少少油，如果想食得清淡嘅朋友仔就會覺得佢油 但豉油就唔會好鹹，絕對會令人胃口大開想食多碗飯🍚除咗菜飯 都可以揀白飯或者麵類的～ 雞都唔會係好鞋口，基本上大部份都係滑。除咗霸王雞仲有<豉油雞 巴辣雞> ，不過巴辣雞就偏辣少少～《太極鴛鴦炒飯 $102》呢度除咗雞好出名亦都有多款小菜客飯，個人偏愛呢個🤭超級多汁既飯，有白汁菠菜帶子同茄汁雞肉兩款，我兩隻味都超鍾意食，呢個絕對係小朋友超級愛吃😍不過佢係二人份量，兩個人share就剛剛好🤣🥤配冷熱飲品$6 特飲$14雞件亦可以選擇指定部位 + $8 （上庄和下庄）

今日好開心，原本嚟元朗係去食牛腩麵，突發奇想想起過橋麵檔的霸王雞，就轉咗呔啦幾年無嚟過，好期待，果然無令我失望，霸王雞上面鋪滿炸蒜同蔥絲再配上豉油，而最底有大量芽菜，充滿口感，雞依舊好食，雞肉嫩滑，唔會鞋口分量同幾年前比較一樣咁多，可以配菜飯或者粉麵，配粉麵既湯底，唔係味精湯嚟午餐仲可以+$6跟冷熱飲品

這間小店已經開了很多年，他的招牌食物那麼多年仍然keep 到水準，我們相隔一段時間又會再去食！今次是平日午飯時間，店內客人不算太多環境簡簡單單！店員服務好好又細心！我哋今次點咗咖喱筋腩飯～咖喱仍然是以前味道都係咁好味，啱晒送飯👍🏻另一個叫咗巴辣雞，雞肉質仍然咁滑而且冇變仍然咁辣，正呀👍🏻

元朗如果你問我 有咩必食放心 我唔係要介紹大家食b仔🙈🙈不過如果每次唔知食咩 必定簡佢無錯 就係過橋麵檔😎我唔係話佢有幾好食 但質素ok ga而係我食嘅係一個情意結☺️通常我都係最鍾意食雞飯經濟霸王雞 就最抵食多蔥炸蒜加豉油 個雞又夠滑呢好難唔好食🤭🤭🤭仲有一個巴辣雞 非常惹味配飯食係一流 仲要係菜飯元朗就有兩間分店 味道我覺得都差唔多但係我通常都係去大陂頭徑🤭地點就腳又方便搭車其實以前佢係我嘅深夜飯堂 可惜而家轉左收10點😭😭😭

每次入元朗都忍唔住去過橋麵檔食佢哋嘅菜飯！先唔講雞件分量十足！佢哋嘅雞非常之嫩滑入味🐓鍾意食菜飯嘅我必須要話佢哋嘅菜飯好高分，好多菜，飯亦煲到啱啱好，同啲菜夾得好好👍🏻目前只有元朗兩間分店，分別喺大坡頭徑同建德街✌🏻大坡頭徑分店環境比較舒適，喺教育路前少少，大坑渠隔離✨

以雞黎講，過橋麵檔係一直保持水準既餐廳最怕岀去食雞，會食到好「鞋」、好老既雞，破壞用餐體驗過橋麵檔每次食，佢地既雞都保持嫩滑，一定有水準，每款雞都各有特色，比較推薦有霸王雞、豉油雞、巴辣雞個人最推薦係佢地既霸王雞配上海麵，上海麵湯底勁香，湯底黎講真係一流，唔係味精開水既味道❤️❤️估計係用雞骨鍋岀黎，一啖雞肉一啖湯，真心正！！！其他食品好少試，估計同岀面茶餐廳差唔多，每次去都係食雞，以元朗黎講，同類型店舖真係無，個人十分推薦！

[✨新界人先識嘅元朗馳名霸王雞•過橋麵檔🥢]#過橋麵檔 🥢霸王雞米線 $71豉油濃得嚟唔會太鹹，墊底嘅芽菜好入味😋雞肉嫩滑就連雞胸肉都唔鞋，份量超多😳配上炸蒜、蔥、薑絲，更加有口感，絕對惹味👍🏻👍🏻🥢巴辣雞米線 $71嚟到先試試面頭嘅醬蓉，嘩都真係幾辣!🥵 雞肉一樣係咁嫩滑嘅，配合米線可以中和辣度，好過癮!😜——————♡♡♡♡♡♡——————✨總結多次光顧水準一樣都keep到，價錢親民，雞嘅味道，份量係絕對高CP嘅💫愛食雞嘅朋友仔，入元朗嗰陣可以過嚟試吓🥰💕 ——————♡♡♡♡♡♡——————

大大話話都食左過橋麵檔6，7年睇住佢愈來愈差，又愈來愈貴，店員又愈來愈惡前排有段時間D雞唔知點解超級鹹，鹹到吞唔到，乸住個喉嚨，食一啖即刻覺得好傷腎諗住以後都唔食呢間了不過今日突然興起諗住食，就買個霸皇雞菜飯外賣返屋企。今次D雞確實已經冇咁鹹，正常番好多了雞肉嫩滑度中等最好食都係大量嘅芽菜&蔥，好送飯總之中規中矩但同我嘅7年前第一次食都已經差好遠了睇來下次搵食都係揀下其他先叫凍奶茶俾粗飲管，好奇怪，發現無論堂食外賣呢個情況已經好一段時間。飲品有紅豆或珍珠之類用粗飲管好正常，但普通凍飲都俾粗飲管令人飲得好唔舒服，亦感覺係咪想堂食嘅人飲大啖D飲快D然後快D走？可能只係我個人唔鍾意，唔排除有人鍾意粗飲管飲凍飲嘅。

外賣豉油雞及小炒皇兩個餐豉油雞根本就係油雞加一包豉油，附太量芽菜小炒皇油淋淋，與一般小炒皇唔同，用上豆角，只有小量蝦乾，豬頸肉，土魷，冇腰果跟餐嘅檸茶只有苦澀味總結都係十分之難食

🔹️過橋麵檔(元朗)🔹️過橋麵檔都營業左好耐啦，聽朋友講雞既系列係好出名，必點必食既，我就黎試下啦。位置都好易搵，於豐年路輕鐵站落再行前少少，位於大渠旁邊🥢輕量裝霸王雞菜飯 我點左霸王雞，原來霸王雞又叫蔥油雞難怪食落有種似曾相識既味道肉質都算嫩滑，每啖都充滿蔥花及配料但略為太油，太油膩，油都係盒底停留了外賣附上一包好大包既醬料點落甜甜酸酸，係令人開胃既醬汁但我又覺得唔點會好啲，食翻霸王雞既原味當然各人有各人既喜好啦

話說今日同幾位同事出黎食午餐，有人建議去呢度食雞，以前過橋麵檔係主打車仔麵，以前個價錢好平20蚊就有個兩餸麵加枝可樂，不過已成歷史。大裝修後都有車仔麵，但唔再係主打，變左小菜館主打係雞，之前都有試過佢d小菜都唔錯，午市同晚市價錢會有少少分別。霸王雞飯，由於只係黎食午餐所以個人叫左霸王雞菜飯，雞既份量都幾多，面頭鋪左好多蒜薑蔥，雞味都幾足不過唔算好滑。豉油雞，醬料味會比較重d，份量都係幾足。鹹雞菜飯，有同事揀左招牌菜鹹雞菜飯，特別之處係用新鮮走地雞，價錢略貴份量都睇落較少，同事食落話唔算好出色，唔太抵食。都有同事選擇左車仔麵，但而家睇黎真係唔想做車仔麵咁，好多餸都無得揀，連麵底都唔多選擇，睇黎過橋麵檔都唔想賣麵。幾個餐都跟一杯凍西柚茶，唔洗加錢，幾有特色，茶底係用返檸檬茶果隻紅茶，只係檸檬換左西柚，飲落都幾好飲。雖然過轉左營後質素都唔差，但無左以前係度食車仔麵果種情懷，有點可惜。

見好耐冇食過橋麵檔，咪諗住去食吓！我以前食過佢個車仔麵都okay，就諗住叫黎食下！點知見到佢遞上已經好失望，食完之後仲失望！今次俾劣評嘅原因有好多：第一，啲餸得好少選擇！第二，每個餸收10蚊，冬菇得4粒，係勁細粒嘅冬菇，仲要冇味，醉蛋同醉腎味道算叫好啲，但分量就係少得可憐！第三，個湯淡到呢，似鹽加水！第四，碗湯仲有隻嘢！第五，啲嘢分開晒，雖然話疫情關係用外賣盒，但係視覺上真係好冇食慾！呢碗野加嘢飲要$50，真係嬲咗！不過佢嘅霸王雞嘅味道雖然冇咩點變，但係份量都少咗勁多！食完，都唔知自己食咗啲咩！