皇朝明珠

营业中

休息中

早排车聚，有车友推介过一间响大埔嘅中式餐厅，话非常之高质素，所以最近就带埋屋企人呢间位于大埔三门仔嘅「皇朝明珠」饮茶。幸好今日风和日丽，天朗气清，响餐厅望出去个景观非常开扬，好似令到餐茶都好饮啲咁。门口仲可以有位置畀食客去泊车，仲有付费嘅叉电设施添。我哋嗌咗几款唔同嘅点心，有「黑毛猪北菇烧卖」、「皇朝虾饺皇」、「上汤金鱼饺配水晶球」、「陈皮山竹牛肉球」、「蜜汁黑豚叉烧包」、「皇朝三色蒸肠粉」、同埋「萝卜千丝酥」。「虾饺」、「烧卖」、「牛肉球」、「叉烧包」「肠粉」同埋「萝卜千丝酥」都好足料，但唔会松散易烂。而且有适当嘅调味，唔会过份浓味。「上汤金鱼饺配水晶球」系非常之值得推介嘅食品，手工精致，无论大人定小朋友都会畀佢吸引。另外我哋仲嗌咗一份「招牌脆皮乳猪」例牌，餐厅职员介绍，呢份乳猪系即场烧嘅。果然甘香松化，皮脆肉嫩，以呢一个价钱嚟讲，非常有可能胜过坊间唔少中菜餐厅。主食要咗一份「荷香笼仔班球蒸饭」，鱼肉蒸得恰到好处，保留咗鱼肉嘅肉质嫩滑之余，又将部分嘅鱼汁渗落去荷叶饭入面。非常有惊喜，甚至有种喜出望外嘅感觉。我哋仲嗌咗一份嘅「鲍参翅肚羹」，汤羹熬制嘅火喉到家，都系值得嗌嚟食嘅餐品。最后