影片
更多
2021-09-22
4867 浏览
近排出咗消费券个个都谂紧点洗好，我就当日常生活补贴，所以多咗啲闲钱去食吓好嘢！🙊 第一站就拣咗呢间食法国餐！拣呢间主要原因系有信用卡买一送一优惠，仲要佢系米芝莲二星同埋亚洲50最佳餐厅双重认证，趁有优惠梗系要即刻book啦！💁🏻♀️ 餐厅位于酒店7楼，一出䢂就会有职员帮你登记，登记完再带你行去餐厅门口。甫进餐厅，职员就安排我哋坐窗边位。呢度的确系无景观可言，都系望吓城市景，嚟呢度主要系欣赏吓佢嘅装修👀 装潢明亮简约，巧妙运用线条同曲线嘅装饰去营造空间感，优雅得嚟又充满现代感。气氛都舒适，座位与座位唔会相隔太近👌🏻晚市有唔同价钱拣，佢哋有menu系for vegetarian，仲有神秘菜式拣(每季都会转，叫神秘menu系唔比打卡㗎🤭 职员上菜𠮶阵会没收电话，食完先俾返你)今次趁有优惠当然要试最贵𠮶个啦( Full Amber Experience $2530p.p. + 10%service charge)！有成九道菜，最后都食咗三个钟😂 饮品我哋拣咗sparkling water，可以无限refill，承惠每位$30再另加一。❤️ 餐包面包系一整个Sourdough配法国海盐牛油🧈 So
餐厅位于酒店7楼，一出䢂就会有职员帮你登记，登记完再带你行去餐厅门口。甫进餐厅，职员就安排我哋坐窗边位。呢度的确系无景观可言，都系望吓城市景，嚟呢度主要系欣赏吓佢嘅装修👀 装潢明亮简约，巧妙运用线条同曲线嘅装饰去营造空间感，优雅得嚟又充满现代感。气氛都舒适，座位与座位唔会相隔太近👌🏻
晚市有唔同价钱拣，佢哋有menu系for vegetarian，仲有神秘菜式拣(每季都会转，叫神秘menu系唔比打卡㗎🤭 职员上菜𠮶阵会没收电话，食完先俾返你)
今次趁有优惠当然要试最贵𠮶个啦( Full Amber Experience $2530p.p. + 10%service charge)！有成九道菜，最后都食咗三个钟😂 饮品我哋拣咗sparkling water，可以无限refill，承惠每位$30再另加一。❤️ 餐包
面包系一整个Sourdough配法国海盐牛油🧈 Sourdough表面香脆，内里柔软，有淡淡嘅酸味，再酸啲会更好！❤️ Amuse Bouche
鸭肝lollipop算系佢哋其中一个招牌，造型可爱的骰💕 Raspberry浆包裹住鸭肝mousse，食落唔腻，鸭肝香气喺口腔内散发😝 加埋侧边两块姜饼，口感更丰富！另一个Amuse Bouche系汤嚟，有几粒青口喺入面，印象唔太深刻，净系记得有少少腥🤏
❤️ Amberjack° Fruit Tomato° Ma Kombu ° Sake ° Shiso° Watermelon° Ginger° Myoga° Kinome° Flower Petal°
油甘鱼有三片，配上新鲜蕃茄，味道好新鲜清新！仲食到好浓郁嘅花香🌼😳 ❤️ Aka Uni° Cauliflower° Lobster° Daurenki Tsar Imperial Caviar°
呢个系Amber嘅Signature dish！呢个平时系要+$298先食到，今次食Full Amber Experience 就包埋，唔洗额外加钱～摆盘都几有心思，打卡绝对一流👏🏻 面头有大量鱼子酱同金箔，尽显奢华💕 底下有椰菜花mousse、龙虾啫喱及海胆，层层交层而成嘅味道令人为之惊艳，妙不可言🤤
佢仲有奉上Seaweed Crisp，咸香十足，增加香脆口感。
❤️ Suzuki° Cuttlefish° Bell Pepper° Tarragon Oil° Fennel° Saffron° Garlic° Orange°
呢道菜个汁好有东南亚风味，酸酸甜甜咁😆 海鲈鱼几嫩滑，鲜甜得嚟完全唔腥。Cuttlefish切成方粒状，口感好新奇，好似食马蹄咁爽口，索索声😮❤️ Blue Lobster° Summer Squash° Amalfi Lemon° Caper Leaf° Extra Virgin Lemon Olive Oil°
食之前职员会喺我哋面前刨柠檬皮🍋 个檬檬系Amalfi Lemon，超大粒😮 闻落去柠檬香气四溢，柠檬同龙虾系几夹👌🏻蓝龙虾熟度啱啱好，紥实爽囗，好弹牙😙 蓝龙虾钳位置有少少甘甜，鲜味浓郁！
❤️ Duck Foie Gras° Purple Artichoke° Tomato° Carrot° Bacon° Onion° Espelette Chili° Basil°
第一次食唔系煎嘅鸭肝，感觉上好似食紧清蒸鸭肝😬 食落的确系无咁油腻嘅🤔 鸭肝有少量血筋，内脏味比较浓，似乎大厨想食客试吓鸭肝嘅原味道。可惜呢个煮法我真系食唔惯🙈❤️ Milk Fed Lamb Loin° Black Winter Truffle° Violin Zucchini° Avocado° Celtus° Almond°
摆盘几精致🤩 职员建议Medium Rare，羊肉色水好靓，嫩到轻轻就可以切开。配上黑松露忌廉酱味道好浓，但有少少盖过咗羊肉味🧐 伴碟嘅celtus 味道唔太讨好，食咗一嚿仔就无食～❤️ Rhubarb° Strawberry° Sansho° Begonia° Extra Virgin Manni Olive Oil' Per Min Figlio' ° Honey°
外型真系靓到好似艺术品咁！好梦幻💕 少女心爆发💥 不过食落有啲落差😅 都几酸吓…上层圆碌碌系士多啤梨sorbet，最底有幼滑奶冻，中间仲夹住一块薄脆。侧边围住好似西芹嘅Rhubarb，加咗反而有啲格格不入🤨 食落似无味嘅西芹😗
❤️ Oat° Clementine° White Balsamic° Extra Virgin Sunflower Oil° Sunflower Seed° Marigold°
呢个甜品同样好靓好打卡able😍系柑橘味相当浓嘅甜品。中间层mousse好细滑，底下啲燕麦整到好脆口，口感层次丰富！❤️ Kacinkoa 85% ° Cocao° Extra Virgin Arbequina Olive Oil° Cocao Nib° Taggiasca Olive
用咗唔同形式去呈现朱古力，分别有Sorbet、Mousse、Cake、薄片等。当中Sorbet最为突出，够浓醇够甘苦！伴碟有几粒橄榄油分子波波，增加油润感。❤️ Petit fours
呢度嘅Petit fours同出面食嘅Petit fours唔同，分量超多！有冰镇水果、Madeleines、夹饼同自家酿制梅酒！仲有茶同咖啡拣添！职员会即席冲梅酒，佢将梅酒倒落一壶冰，再搅匀再倒落小杯。饮落酒精浓度都几高，微甜。
冰镇水果有黄肉西瓜、热情果、无花果。黄肉西瓜好多水份，但味道较淡；无花果唔错几甜；热情果好酸🙈
Madeleines 好大嚿，味道好惊喜！🤩 应该系我暂时食过最好食嘅Madeleine👍🏻 朱古力香气迷人，外层酥脆，内里松软。配埋自家制士多啤梨酱，食到有少少果蓉，甜度啱啱好👌🏻
夹饼有榛子夹层，味道中规中矩。❤️ 生日蛋糕
事先同餐厅讲咗系同朋友庆祝生日，本身以为只系会喺甜品碟写个happy birthday，点知餐厅竟然送咗蛋糕！🥰 个蛋糕系用日本水蜜桃做，味道唔系话太大惊喜，比较惊喜系职员会主动问洗唔洗合照，好贴心！餐厅推荐度：⭐️⭐️⭐️⭐️✨ (4.5/5)
值得一提系离开餐厅𠮶阵收到一个朱古力，每人一块😽 好开心！收完礼物职员仲会帮你禁lift欢送你，服务非常值得赞！
环境好安静舒服食得开心😁 服务真系好好，职员好细心介绍菜式，会同客人倾吓计！另外每上一道菜都会有两个职员serve我哋张枱，仲定期扫走枱下嘅碎屑，成个用餐体验无得输👏🏻 食物方面质素唔错，甜品就失色少少！不过九个course对我嚟讲真系太多，见到个Petit fours咁多都有少少吓窒咗😂 食完成餐饭真系饱到上喉咙🤰🏻
如果以正价再嚟食应该会食佢哋嘅lunch，性价比高啲👀
张贴
