等一隻貓咖啡 (已結業)

本身好钟意同小动物玩，特别钟意猫。另外一个闺蜜都系一个猫奴，星期六下午约咗一齐去等一只猫咖啡。两点去到冇预约，要即时预约四点几先到我哋，留低咗电话俾服务员之后我哋去第二度食午餐先。服务员都好好礼貌。$68坐一个钟包一杯饮品，我哋叫咗热紫薯鲜奶同热情果绿茶。紫薯鲜奶冇乜紫薯味，不过奶味都好重，只杯几靓。我朋友话热情果绿茶都几好饮。嚟得猫cafe都唔系真系单纯坐低饮嘢㗎喇，大部份猫都瞓紧觉，我哋都系摸下佢就满足。坐多阵，啲猫仔要开饭，食完猫粮，服务员主动问我想唔想抱下佢哋，就将佢抱住嘅猫仔放左落我度，又主动帮我地影相！呢间猫cafe留比我既印象几好，下次可能会再嚟探望猫仔！