御名軒

营业中

休息中

前几日收工同客食饭，谂住去附近揾间餐厅，公司附近就有呢间御名轩，见到佢有个好特别嘅餐牌，系食私房菜，见到个餐牌啲嘢都几啱食，于是就同客去试一试。头盘先黎三个小食，分别系麻医矮瓜炸子鸡同埋煎豆腐，摆得都几骨子。然之后两个人就有两个汤，一个系螺头炖竹丝鸡，令一个系翅，水准非常之高，好食过婚宴𠮶啲多多声。之后几味𩠌，鲍鱼、虾球炒蛋白、蟹肉扒芦笋，同烩美国牛肋条都非常之细腻，好好食，唔讲以为去咗高级中餐馆𠮶度食饭。最特别系跟住𠮶味，药膳蒸滑鸡，𠮶啲药膳味非常之突出，同过鸡好夹。最后黎番三件精致嘅中式糕点作结。我觉得都算不错的私房菜，细细碟都几足料，人少少都可以食中菜。