Donkey & Sheep (已結業)

揾到呢间新开嘅西餐，睇见啲烧春鸡同咖啡相好靓咁，评语都唔错，专程去试。2道菜酥炸卤水春鸡+沙律/汤/咖啡只系$88。如果要沙律/汤是但一样，加嘢饮$18就有3道菜。好似今日咁唔肚饿，就咁主菜+cappuccino。春鸡一上就闻到好香嘅卤水味，好似茶餐厅嘅炸鸡脾咁。质感符合预期系嚡口，但个烧汁唔漏又提到味道，不过个人认为卤水腌料可以重手啲。薯条系原条粗切炸，外表略脆，里面淀粉重香薯味。伴碟嘅沙律菜略为干身又冇酱汁就普通。明明叫泡沫咖啡但就冇乜泡，感觉似饮鲜奶咖啡，但香滑又有咖啡味，当然唔预期啲豆新鲜炒有个性。成餐价钱唔使$100又冇加一，食物质素唔错，坐窗边有居高临下风景，餐厅环境宁静，服务员有礼，好收货。