今次黎到呢間新嘅小型café係位於尖沙咀區，佢係位於The one 嘅IT樓層，好適合大家行到攰嘅時候好好咁坐低抖下，嘆番杯咖啡☕️店內仲有啲輕食都可以試一試！
.
法式鮮果多士 $72
靚靚嘅法式多士加鮮果再加多少少蜜糖做點綴，想邪惡啲仲可以加啲忌廉Tim,咬落個充滿蛋醬嘅多士香煎得外脆內軟，唯一冇咁好嘅係因為多士經過煎所以油份會多啲啲。
.
大蝦沙律🥗 $89
配料除左大蝦之外仲有昆布、牛油果醬、米粉、芝麻、日本子薑配上豆豉醬同檸檬汁，食落好
Fresh，沙律菜都好爽好新鮮，岩哂注重健康嘅你地！
.
Mocha $36
飲落朱古力味唔會假，可可同咖啡味都好清香唔會太膩，唔錯！
.
特濃鮮奶咖啡☕️ $39
愛濃縮咖啡嘅您地！呢個十分推薦比大家皆因佢係有4個shot 嘅特濃咖啡☕️，咖啡味非常香濃但略苦，愛咖啡嘅你地快啲去試吓再話比我知你地覺得點啦！
