檳城餐廳 (已結業)

槟城开业半年有多，但从未帮衬过，原本念住去太兴食早餐，点之要排队等位，唔知要等几耐，索性去槟城食仲可以试吓新嘢望入去就见到一排排红色好似挂咗雀笼嘅吊灯，好sharp! 柜亦放咗一啲小摆设，卡位位置好宽，坐得非常松动又舒服一睇餐牌早餐款式选择多，有西式早餐、三文治、扒类同汤粉面，叫咗份炒蛋配牛仔柳，仲有焗豆同薯蓉，唔好睇少以为唔够食，原来份量刚刚好牛仔柳出乎意料的好，唔觉得靱，煎得几香，反而炒蛋一般，无乜蛋味，薯蓉平时食，颜色系浅黄色，而呢款薯蓉带橙色，食落又唔似平时食薯蓉味道，似是番薯味，都好食嘅！