極尚大瀛喜日本料理

营业中

休息中

开到成行成市既放题店名无独有偶地都有大、满、喜、吉、极等字眼，老实讲撞名撞到我完全分唔到，当中居然有一间亮眼地做到有口皆碑，朋友话「极尚」字头就代表好食㖞。系唔肯定有冇点错相既情况下黎到，占地极广又开扬既场地坐无虚席，令我隐隐带点期待。 好在book定位，坐低即时怒点刺身先。三文鱼同北海道带子好新鲜嫩滑又肥美，以此质素如果可以再厚切d，带子原个片开咁上就完美喇。 珍宝大赤虾爽口鲜甜，大块又厚身，绝无欺场。 俄罗斯甜虾估唔到会好似手指咁粗，食落有弹性唔会粉。　吞拿鱼不过不失。寿司细细件，黑松露赤虾面头个督黑松露酱散发出浓烈香醇既煤气味，同爽口新鲜既赤虾好夹，必叫。 帆立贝如想像般啖啖肉又清甜；三文鱼腩就比较薄，可以不试。海胆手卷单睇色泽竟然有几分似我系日本食到既靓海胆，味道新鲜香醇，余味带甜。 最感人既系原来手卷饭量得一啖仔，香脆既紫菜底部原来空心，莫名地好开心。御品鲍汁烩花胶绝对系诚意之作！ 花胶炆得软腍入味，虽然唔系顶级花胶，但大大块、厚身又弹牙，忍唔住encore左几次。 鲍汁调味咸淡得宜，连底下既绍菜都煮得岩岩好，朋友唔好花胶都话好味。炸物方面，芝麻鸡翼一如所料地香脆，反而吉列炸