輕鬆一下 (已結業)

葵涌广场出名多野食，于是跳完舞见仲系十点几就去食个宵夜啦。今次揾到广场地下一间大舖位既面店食野。menu有好多唔同配搭，但最后梗系要嗌个普通d先可以试到佢既厨艺啦！所以嗌左个水饺担担上海面同埋云吞上海面。眼见水饺同云吞个样差唔多，于是就试晒两款，馅料一样，云吞皮都唔会话特别薄，所以对水饺同云吞有点失望，竟然系一样既。个人唔中意担担面既麻酱，但朋友话佢个麻酱比其他好食，唔会太杰，味道唔太重岩岩好。面质都一般般，唔算弹牙，但都入得口既。环境方面佢都好阔落，舖位系开放式既，可能加上宵夜时段少人，就显得更加舒服。