影片
更多
2019-11-10
1976 浏览
请屋企人食晚饭，拣左辉哥欢聚餐及单点左两样𩠌🤧单点～话梅番石榴：同想像中唔同😅呢个似台湾夜市食果啲现切番石榴，当然呢到价钱贵好多，我地觉得好唔值😂😂😂单点～盐焗鸡：听职员讲所有完整鸡都系炸🤧只有盐焗鸡系焗，鸡件肉嫩皮脆，少少盐香盐香，系唔错既👍🏻辉哥欢聚餐：叉烧包住咸蛋黄，旧肉比较瘦，食落去比较干身鞋口😅，如果一分为二，口感质感可能会好啲！香柠煎虎虾，汁酱特别，酸酸咪咪好泰国🤣所以都系偏浓味，大大只虎虾，多肉弹牙！呢碟系南瓜炒黑豚肉，惹味𩠌白饭就岩晒，不过我觉得浓味左少少，最好食系啲南瓜😌唔记得豆苗定觅菜🤔上面舖满菇及少量瑶柱，清淡稳阵之选，我食得最多😊榄菜肉松炒饭～呢个要赞👍🏻饭炒到粒粒分明又够干身，几种配料炒埋咸香味出晒黎，最喜欢呢个炒饭😆😆最后系甜品枣皇糕及杏仁茶汤圆😌几香枣味，烟韧但甜左啲，汤圆系我最喜欢既芝麻馅☺️无咩流心。本身杏仁茶我好少饮，好难有比较🤣呢个杏仁味我谂算浓挂？总括黎讲，上次系花胶果个餐，全部人都食得非常满意满足😂而今次辉哥餐质素就麻麻地，野食偏浓味又唔特别，分量又少，真系真系好唔唔抵食啰🤔
单点～话梅番石榴：
同想像中唔同😅呢个似台湾夜市食果啲现切番石榴，当然呢到价钱贵好多，我地觉得好唔值😂😂😂
单点～盐焗鸡：
听职员讲所有完整鸡都系炸🤧只有盐焗鸡系焗，鸡件肉嫩皮脆，少少盐香盐香，系唔错既👍🏻
辉哥欢聚餐：
叉烧包住咸蛋黄，旧肉比较瘦，食落去比较干身鞋口😅，如果一分为二，口感质感可能会好啲！
香柠煎虎虾，汁酱特别，酸酸咪咪好泰国🤣所以都系偏浓味，大大只虎虾，多肉弹牙！
呢碟系南瓜炒黑豚肉，惹味𩠌白饭就岩晒，不过我觉得浓味左少少，最好食系啲南瓜😌
唔记得豆苗定觅菜🤔上面舖满菇及少量瑶柱，清淡稳阵之选，我食得最多😊
榄菜肉松炒饭～呢个要赞👍🏻饭炒到粒粒分明又够干身，几种配料炒埋咸香味出晒黎，最喜欢呢个炒饭😆😆
最后系甜品枣皇糕及杏仁茶汤圆😌几香枣味，烟韧但甜左啲，汤圆系我最喜欢既芝麻馅☺️无咩流心。本身杏仁茶我好少饮，好难有比较🤣呢个杏仁味我谂算浓挂？
总括黎讲，上次系花胶果个餐，全部人都食得非常满意满足😂而今次辉哥餐质素就麻麻地，野食偏浓味又唔特别，分量又少，真系真系好唔唔抵食啰🤔
张贴
