Stage + 目黑壽司 (已結業)

好耐无去奥海城stage食野,琴晚去番,先惊觉佢已经开始转型,店铺一分为二,一边做番stage,一边做寿司,变成目黑寿司。见到平日人唔多既stage 突然排长龙,我都吓左一跳,行近d先知原来d人系排队等回转寿司,相反地,stage个边一去就有位…点左个百变意粉餐,有汤,意粉同饮品;再点一个blueberry cheesecake。拣左什菜汤,味道一般但多什菜,算唔错,好大碗,可惜无包;意粉有唔同款,但竟然无最传统既spaghetti,于是拣左linguine,汁料同材料选择多,仲可以拣三款料,今次试茄汁配西冷丝,烟火鸡肉,烟鸭胸。本来以为汁只系淋上面,上桌至知原来系兜匀炒,所以每条粉都有汁,成碟红色,而且好够味,我谂大部分人都会钟意,但系我个人钟意两者分开,所以唔太岩我。而个d烟火鸡肉就奇怪地一d汁都无,而且只放系面头,反而我觉得最好食!不过真系好大碟呀!一个人食唔晒!个blueberry cheesecake好实好好味,面头系我最钟意既蓝莓酱,不过食完好漏呀!其实个意粉餐88蚊唔太抵,反而食个蛋糕仲好!